sample page

Spanja vendos hegjemoninë e vet në futbollin Europian dhe Botëror. Si askush tjetër, ajo ka bërë “tris�, duke fituar për herë të dytë radhazi Kampionatin Europian, në vitin 2008 dhe 2012, mes të cilëve ka vendosur edhe kurorën e Kampiones së Botës, në vitin 2012. Një sukses i trefishtë, që dëshmon qartë epërsinë e padiskutueshme të iberikëve në këtë lojë magjike. Dominim i cili u duk qartë që në sekondën e parë të finales së Kievit, ndaj Italisë, që kishte mrekulluar me lojën e saj deri në këtë “stacion�, por i “ngeci sharra në gozhdë� ndaj stretagjisë alla Barcelona të skuadrës së Del Boskes. Epërsia e kësaj të fundit nuk reshti deri në vërshëllimën e fundit te kryesorit portugez, Proenca. Gjatë 90 minutave, të luajtura në prani të më shumë tifozëve spanjollë, si për të kompletuar edhe në këtë drejtim epërsinë e thellë të tyre, janë prodhuar katër gola për “La Furia Roja�, me autorë David Silva, Xhordi Alba, Mata dhe Fernando Torres. Këta dy të fundit janë hedhur në lojë si zëvendësues, por u ka mjaftuar aktivizimi për të shënuar secili. Madje, sulmuesi spanjoll i Celsit ka konkretizuar edhe golin e katërt në këto finale të “Euro 2012�, duke u shpallur golashënuesi më i mirë i këtij kompeticioni. Finalja e këtij Evropiani, për shkak të supremacisë absolute të Spanjës, por edhe fatit të keq që e ndoqi Italinë, teksa Kielini u dëmtua herët dhe ia la vendin Balzaretit, ndërsa në minutën e 60-të, i sapohedhuri në fushë, Tiago Mota, në vend të Montolivios, do të pësonte tërheqje, duke mos e vijuar dot lojën. Por, pamundësia e tij e ka lënë Italinë me dhjetë lojtarë në fushë, për shkak se braziliano-italiani i Paris SG ishte zëvendësimi i tretë dhe Prandeli nuk mund të bënte më të tillë. Kjo ia ka lehtësuar përfundimisht punën skuadrës iberike, e cila ka luajtur si “macja me miun� me axurrët, përmes qarkullimit të dendur të topit dhe infiltrimeve marramendëse e vdekjeprurëse në prapavijën axurre. Dy gola në pjesën e parë dhe po aq në të dytën, kanë vulosur fatin e kësaj finaleje të shumëpritur, e cila ka ngritur në podium sërish Spanjën, si kampione e Europës edhe për katër vite të ardhshme